Праграма фестывалю:

9 верасня 2017 г. Уваход бясплатны.

Галоўная пляцоўка:

10:67*-11:30: урачыстае адкрыццё фестывалю. Прадстаўленне клубаў ваенна-гістарычнай рэканструкцыі, удзельнікаў фестывалю

11:30-12:30: рыцарскі конны турнір

12:30-13:30: пешы рыцарскі турнір

13:30-14:30: манеўры, бугурты: захоп флага, мост, "Башня", ахова караля і інш.

14:30-15:00: бугурты, масавыя баі

15:00-16:30: турнір дзясятак

16:30-17:30: эпоха вікінгаў. Турніры "Кола Одзіна", "Кола Локі", бугурты

17:30-17:50: паказальны выступ: I сусветная вайна

17:50-18:10: выступы музычных калектываў

18:20-18:35: паказальны выступ: II сусветная вайна

18:40-19:40: штурм замка

19:40-22:55: канцэртная праграма


Пляцоўка за «Замкам»:

11:30-15:00: турнір лучнікаў і арбалетчыкаў адборачныя туры

11:30-19:00: інтэрактыўныя зоны, ціры, сярэднявечная паласа перашкодаў, атракцыёны, arrow fight

15:00-15:30: паказальныя выступы лучнікаў

Анімацыйная пляцоўка:

11:30-19:00: выступ музыкаў, майстар-класы па танцах, старадаўнія гульні

Гандлёвыя рады:

11:00-20:00: кірмаш рамеснікаў, майстроў, майстар-класы па рамёствах (кавальская справа, ганчарная справа і г.д.), кальян Халіфа, манетны атракцыён і шмат іншага

Лагерь эпох:

11:00-19:00:працуюць станы: Рымская Імперыя, Эпоха Полоцкага княства, Сярэднявечча, Эпоха Напалеона, I і II Сусветныя войны. Магчымасць пазнаеміцца з бытам розных эпох

11:00-19:00: ў станах: Рымская Імперыя, Эпоха Напалеона - інтэрактыўная праграма


Навуковая канферэнцыя "Гістарычны цэх":

11:30-18:30: навуковыя дыспуты аб гістарычнай спадчыне Мінска

10 верасня 2017 г. Уваход бясплатны.

Галоўная пляцоўка:

11:30: урачыстае адкрыццё другога дня фестывалю

11:30-12:20: фінал турніра лучнікаў, паказальныя выступы сярэднявечных лучнікаў

12:30-14:00: сярэднявечны блок: бугурты, масавыя баі рыцараў, штурм абарончых збудаванняў

14:00-15:00: паказальныя выступы розных эпох: вікінгі, шляхта и інш.

15:00-17:00: канцэрт


Пляцоўка за «Замкам»:

11:30-19:00: інтэрактыўныя зоны, ціры, сярэднявечная паласа перашкодаў, атракцыёны, arrow fight

Анімацыйная пляцоўка:

11:30-15:00: выступы вулічных музыкаў, майстар-класы па танцах, старадаўнія гульні

Гандлевыя рады:

11:00-17:00: кірмаш рамеснікаў, майстроў, майстар-класы па рамёствах (кавальская справа, ганчарная справа і г.д.), кальян Халіфа, манетны атракцыён і шмат іншага

Лагерь эпох:

11:00-15:00: працуюць станы: Рымская Імперыя, Эпоха Полоцкага княства, Сярэднявечча, Эпоха Напалеона, I і II Сусветныя войны. Магчымасць пазнаеміцца з бытам розных эпох

11:00-15:00: ў станах: Рымская Імперыя, Эпоха Напалеона - інтэрактыўная праграма

*1067 - год заснавання Мінска, таму, калі на гадзінніку будзе роўна 10:67, г.зн. 11:00 07 хвілін, фестываль афіцыйна будзе лічыцца адкрытым!

Канцэртная праграма:

На фестывале выступяць:

Гурт Рокаш

Гурт Рокаш быў утвораны ў канцы 2004 году. Першапачаткова музыка гурта была арыентавана на акустычны медыевал-фольк. У цяперашні час музыка гурта ўяўляе сабою электрычны неафольк-рок, які пабудаваны на сінтэзе мяккіх фолькавых мелодый, лірычнага жаночага вакалу і жорсткай хард-рокавай рытм секцыі.Разам з тым прысутнічаюць элементы такіх стыляў як фольк-метал, прагрэсіў, арт-рок і інш.

За час існавання гурт прыняў удзел у больш за 200 канцэртах і фестывалях у Беларусі, Польшчы, Літве, Украіне і Расіі. У 2011 годзе выйшаў дэбютны паўнафарматны альбом гурта "Запалі агонь", у 2014 - міні-альбом "Пад знакам крумкача", прымеркаваны да дзесяцігоддзя гурта. Канцэпцыяй творчасці гурта Рокаш з'яўляецца спроба спалучэння ўласнага разумення містычнай атмасферы беларускай даўніны разам з найбольш актуальнымі сучаснымі музычнымі стылямі.

"Сваей творчасцю мы хочам разбурыць стэрэатып адносна таго, што фолькавая музыка архаічна па сваей сутнасці і не мае рэсурсаў для далейшага развіцця. У нашых песнях есць і павольныя лірычныя балады, і песні, якія суцэльна прасякнуты энергічнымі драйвовымі тэмамі. Але галоўнае, што пры ўсей стылевай разнастайнасці застаецца тое, што мы разумеем атмасферай Рокаша - своеасаблівы таямнічы свет, у якім нараджаецца і жыве наша музыка. Мы радыя запрасіць усіх у гэты свет."

Гурт Lity Taler

Гурт сярэднявечнай музыкі Lity Taler з Менску існуе з 2011 году. У аснове творчасці каллектыва ляжыць вольная інтэрпрытацыя музычнай спадчыны сярэднявечнай Еўропы у выкананні традыцыйных народных інструмантаў. Такі своеасаблівы сінтез сярэднявечнай музыкі ды беларускіх дуд, скрыпкі, акарыны, жалейкі і іншых народных інструмантаў утварае цікавае ды самабытнае гучанне. У рэпертуар гурта ўваходзяць як інтрументальныя кампазіцыі, так і сярэднявечныя танцы. Апошнім часам у рэпертуары ансамбля пачалі з'яўляцца народныя танцы, выкананыя, у сваю чаргу, у медывальным стылі.

Группа BY CRY

Гурт BY CRY

Гурт беларускіх галасоў і ўсіх музычных напрамкаў.
КРАЙ бадзёрага духу! КРЫК ваяўнічай душы! ПЛАЧ летуценнай гітары! ПУЛЬС drum-лівага сэрца! МОЦ bass-овага танца! РАДАСЦЬ заліхвацкага акардэона!

 

PAWA

Гурт PAWA

Гурт PAWA выконвае традыцыйную беларускую і еўрапейскую музыку, але робіць гэта нязвыклым чынам. У музычным арсенале калектыва сярэднявечныя інструменты, такія як дуда, жалейка, дудкі, скрыпка і інш. суседнічаюць з драм-машынамі, сінтэзатарамі і электрагітарай. Народныя і сярэднявечныя песні, якія ўдзельнікі PAWA знаходзяць у разнастайных гістарычных крыніцах, набываюць новае сучаснае гучанне, не пазбавіўшыся свайго адвечнага сэнсу, сваёй існасці. Музыка PAWA - гэта незвычайнае і ўзаемавыгаднае спалучэнне сучаснага і мінулага.

Aillion

Гурт Aillion

Мінскi гурт, які выконвае хэві-метал. Ўтварыўcя ў сакавіку 2008 года па ініцыятыве чатырох музыкаў, якія пайшлі з іншага гурта - Стая. У маі 2009 года гітарыст Зміцер Мікуліч адпраўляецца разам з Пятром Ялфімавым ў Маскву на «Еўрабачанне», для ўдзелу ў конкурсным шоў. AILLION ў якасці гасцей пастаянна выступаюць на розных фестывалях: штогадовым фестывалі «Наш Грунвальд», «Heavy Nice Day», «Рок-каляды» ды іншых.

Катерина Водоносова и Fantasy Orchestra

Кацярына Ваданосава i Fantasy Orchestra

Беларуская спявачка, паэт, музыкант, выканаўца. Грае на некалькіх музычных інструментах. Мае вакальны дыяпазон у тры актавы. У сваіх песнях абапіраецца на традыцыі айчыннай народнай культуры, на еўрапейскую музыку эпохі Сярэднявечча, Рэнесанса ды Барока, а таксама на здабыткі музычнай культуры "залатога веку" рок-н-рола ды арт-рока, удала сумяшчаючы іх у кантэксце плыні, якую некаторыя акрэсліваюць як "менестрэль-рок", альбо "фэнтэзі-рок". Выступае з ансамблем, адметнасцю якога з'яўляецца выкарыстанне беларускіх цымбал ды электраскрыпкі як салюючых інструментаў і спалучэнне іх з "класічным" рокавым наборам - электрагітарай, бас-гітарай ды ўдарнай устаноўкай.

Фотагалерэя

Май рацыю!

Следи за всеми новостями фестиваля на странице ВКонтакте: