Фестываль Менск старажытны

Фестываль гісторыі і культуры "Менск старажытны" адкрыецца на зялёнай зоне каля скрыжавання праспектаў Пераможцаў і Машэрава 14 верасня 2019 г. а 10:00 раніцы.

Акрамя рэканструкцыі Сярэдніх стагоддзяў, у гэтым годзе госці фестывалю змогуць убачыць паказальныя выступы і паходныя лагера клубаў, якія займаюцца рэканструкцыяй дружын часоў Полацкага Княства, Рымскай Імперыі, падзей 1812 года, Першай і Другой сусветных войнаў, шляхты Вялікага Княства Літоўскага (XVII ст.), Асобная пляцоўка будзе прысвечана першым паселішчам на тэрыторыі сучаснай Беларусі, якія адносяцца да эпохі позняга палеаліту.

Читать полностью:  http://afisha.tut.by/news/anews/459314.html

Читать полностью:  http://afisha.tut.by/news/anews/459314.html

"Назва фестывалю" Мінск cтаражытны ", ды яго глабальная ідэя - нагадаць мінчанам і гасцям сталіцы пра самыя важныя падзеі дзесяці стагоддзяў гісторыі нашага горада," – распавядае суарганізатар мерапрыемства Аляксандр Рак. – “У гэтым годзе аснову фестывалю, зрэшты, як і ў мінулыя, канешне, складзе сярэднявечны блок. У праграме турнір пешых рыцараў, конны турнір, бітва пяцёрак, бугурты (масавыя бітвы рыцараў), тэатралізаваны штурм замка з ужываннем асаднай тэхнікі і артылерыі. У рамках сярэднявечнага блока адбудзецца таксама і турнір лучнікаў.”

На фестывалі будуць дзейнічаць некалькі паходных станаў: рыцарскі, лагер вікінгаў, партызанскі лагер часоў Вялікай Айчыннай вайны і паходны лагер Расійскай арміі і Вялікай арміі Напалеона.

У кожным з лагераў будзе арганізаваны міні-музей. Акрамя грандыёзнай праграмы з удзелам рэканструктараў трох названых эпох, фестываль прапануе не менш цікавую музычную праграму: на сцэну выйдуць калектывы фолк- і фолк-рок-кірункаў.

Акрамя таго, на тэрыторыі фестывалю разгорнецца вялікі горад майстроў, дзе пройдуць майстар-класы па кавальскай і ганчарнай справах, можна будзе паназіраць за працай збройнікаў і ювеліраў.

Адкрыецца інтэрактыўная пляцоўка з майстар-класамі па старадаўніх танцах і гульнях. Усе жадаючыя таксама змогуць навучыцца стральбе з лука, кіданні дзідаў і іншым цікавым рэчам.

Такім чынам, 14 верасня з 10.00 раніцы і да 22.55 у вечары, а таксама 15 верасня з 11.00 да 19.00 вечара гасцей свята чакае мноства сюрпрызаў.

Дарэчы, уваход на фестываль абсалютна бясплатны!
Вось як было ў мінулым годзе: